I.
Fáltenme los tos afalagos nel pelo
que yeren como arpexios pal son del mi sentir,
que yeren daqué máxico
y la partitura de la mio vida.
Les notes yeren les rises de ca'un
que s'asitiaben como páxaros enriba'l pentagrama...
Naguo por elles cola melena desafiná
coles mueles na mano y la piel d'espartu
berrando colos güeyos zarraos
pa nun perder nin una llárima más,
afogándome en secu,
cola mirá en baxu
yendo a palpu
pa nun escaecer nin un rincón de la to cara.
¿Cuántos besos fáltenme hasta volver topales?
¿Cuántos meses van caeme pente los pelos
como babes de diañu burllón tocando'l xiblatu?
Yá nun quiero nin sabelu.
II.
Dende equí pésame dicivos que yá nun vos oigo cantar
nin siento la zanfoña que frotábeis con tanta gracia
nun siento más que´l turuyu avisando
y el rabel de los pastores.
Nun siento'l esbardu ni al llobu aullando
pente eses peñes,
deos amputaos d'un flauteru que nun sabía sopla-y al vientu .
Quedo equí mesmo sentá
cola respiración entrecortá
que ye la que tien por mi y nun me dexa cayer,
quedo ansina nesti argayu pegá'l humeru
esperando a que vuelva a sonar la botella d'anís y la carraca
que'l carrascu ta esperando yá'l avientu
y duelme el gargüelu
de nun ser a entonar cancios
ensin ti.
----------------------------------------------------------
SIN TONOS NI CARICIAS
Me faltan tus caricias en el pelo
que eran como arpegios para el son de mi sentir
que eran algo mágico
y la partitura de mi vida.
Las notas eran las risas de cada uno
que se colocaban como pájaros encima del pentagrama...
Las anhelo con la melena desafinada
con las muelas en la mano y la piel de esparto
llorando con los ojos encerrados
para no perder ni una lágrima más,
ahogándome en seco,
con la mirada al suelo
yendo a ciegas
para no un olvidar ni un rincón de tu cara.
¿Cuántos besos me faltan hasta volver a encontrarlas?
¿Cuántos meses me caerán entre el pelo,
como babas de diablo burlón tocando el silbato?
Ya no quiero ni saber.
Desde aquí siento deciros que ya no os oigo cantar
ni siento la "zanfoña" que frotabais con tanta gracia
no siento más que el "turuyu" avisando
y el "rabel" de los pastores.
No siento al osezno ni al lobo aullando
entre las peñas,
dedos amputados de un flautista que no sabía soplarle al viento .
Quedo aquí mismo sentada
con la respiración entrecortada
que es quien me sostiene y no me deja caer,
quedo así en este resquebrajo, junto al "humeru"
esperando a que vuelva a sonar la botella de anís y la "carraca"
que el "carrascu" está esperando ya a diciembre
y me duele la garganta
por no ser capaz de entonar canciones
sin ti.
zanfoña: instrumento musical tradicional
turuyu: instrumento musical tradicional
rabel: instrumento musical tradicional (utilizado en el pastoreo)
rabel: instrumento musical tradicional (utilizado en el pastoreo)
humeru: aliso
carrascu: acebo
