Conducí tola nueche, ensin saber perbién escontra ónde, pero siendo consciente de que yera dueña d'un volante, dos manes, dos pies y, quixi pensar, que tamién tenía un puñáu de kilómetros per delantre.
Llegué a la fin de la Tierra, reconociéndolo más bien como un auténticu vertideru. Nun quemé les mios botes porque yera lo único que me quedaba, acompañábenme, protexíenme y nunca me fallaben, y porque nesi momentu antoxóseme de bien mal gustu.
Busqué esos paisaxes que me vendieren como paradisiacos, onde la to vida conviértese en daqué maraviyosu, les muñeques se te enllenen de relóes d'oru, el to arume pasa a costar trescientos euros y el to coche ye namá'l mediu de tresporte hasta que llegues al to yate o al to jet y cuando das cuenta formes parte d'un resort natural con complexos axetivos pa describilo... mas nun los atopé.
Afayé imaxes desoladores y n'ocasiones, respigantes. Xigantes desendolcándose a sí mesmos y coses pol estilu.
La decepción asomó de nuevu pente les arrugues del mio frente.
Fuxí d'ellí ensin mirar pa tras y ensin dame apenes cunta llegué al sitiu onde se xuntaben dos montes, ensin saber cuál yera'l maxestuosu y cuál l'arrogante. Un allugamientu selvaxe, solitariu y, increíblemente, inda llimpiu.
Una llárima allegre asomó esmuciéndose sigilosamente poles mios mexelles y nesi momentu dime cuenta que llegara al sitiu onde desaguaben los mios güeyos, plantegándome cuántes miraes, cuántos sollozos, cuántos guiños cayeríen neses agües cristalines y maravillosamente fríes.
Supi entós que'l mar taba fechu de llárimes como les míes.
Supi entós ónde vertir agua salao y ocular hasta quedame seca.
Pasaron dos hores, quiciabes diez y dalguna nube y caltuvi hipnotizada viendo cómo la fola estrellaba con fuerza'l so frente contra la mesma roca, incansable, una y otra vez, igual que facía yo, namás que a ella salía-y espluma blanca.
Entós identifiquéme.
Sentí la necesidá casi selvaxe d'esnudame y fundime nesi océanu de penes y pesares.
Dexé llexar.
Depués yá non.
Nun me llamaba Alfonsina pero acabé diéndome xiblando y vistida de mar.
______________________________________
NO HAY FINAL FELIZ
Conduje toda la noche, sin saber muy bien hacia dónde, pero siendo consciente de que era dueña de un volante, dos manos, dos pies y, quise pensar, que también poseía un montón de kilómetros por delante.
Llegué al Final de la Tierra, reconociéndolo más bien como un auténtico vertedero. No quemé mis botas porque era lo único que me quedaba, me acompañaba, me protegía y nunca me fallaban, y porque en ese momento se me antojó de muy mal gusto.
Busqué esos paisajes que me habían vendido como paradisíacos, donde tu vida se convierte en algo maravilloso, las muñecas se te llenan de relojes de oro, tu perfume pasa a costar trescientos euros y tu coche es sólo el medio de transporte hasta que llegues a tu yate o a tu jet y cuando te das cuenta formas parte de un resort natural con complejos adjetivos para describirlo... mas no los encontré.
Descubrí imágenes desoladoras y en ocasiones, escalofriantes. Gigantes desenvolviéndose a sí mismos y cosas por el estilo.
La decepción asomó de nuevo entre las arrugas de mi frente.
Huí de allí sin mirar atrás y sin darme apenas cuenta llegué al sitio donde se juntaban dos montañas, sin saber cuál era la majestuosa y cuál la espléndida. Un emplazamiento salvaje, solitario e, increíblemente, todavía limpio.
Una lágrima alegre asomó deslizándose sigilosamente por mis mejillas y en ese momento me di cuenta que había llegado al sitio donde desembocaban mis ojos, planteándome cuántas miradas, cuántos sollozos, cuántos guiños habrían caído en esas aguas cristalinas y maravillosamente frías.
Supe entonces que el mar estaba hecho de lágrimas como las mías.
Supe entonces dónde verter agua salada y ocular hasta quedarme seca.
Pasaron dos horas, quizá diez y alguna nube y me mantuve hipnotizada viendo cómo la ola estrellaba con fuerza su frente contra la misma roca, incansable, una y otra vez, igual que hacía yo, sólo que a ella le manaba espuma blanca.
Entonces me identifiqué.
Sentí la necesidad casi salvaje de desnudarme y fundirme en ese océano de penas y pesares.
Me dejé flotar.
Luego ya no.
No me llamaba Alfonsina pero acabé yéndome silbando y vestida de mar.
